ໂຮງໝໍ

ຮ່າໂນ້ຍ - ວຽງຈັນ

ດ້ວຍຄວາມປາດຖະໜາຢາກສະໜອງ ການບໍລິການທາງດ້ານການແພດຢ່າງເຕັມສ່ວນໃຫ້ແກ່ຄົນເຈັບ, ທາງໂຮງໝໍຮ່າໂນ້ຍ - ວຽງຈັນ ໄດ້ນຳໃຊ້ລະບົບການຖ່າຍສັດສ່ວນ CT Scanner ຫຼາກຫຼາຍຄວາມສາມາດ ລຸ້ນໃໝ່ GE ຈາກ ອາເມຣິກາ ດ້ວຍນະວັດຕະກຳອັນກ້າວກະໂດດ.

ລະບົບຖ່າຍສັດສ່ວນຫຼາກຫຼາຍຄວາມສາມາດ ລຸ້ນໃໝ່ GE ຂອງ ອາເມຣິກາ ນີ້ ມີຂອບເຂດການນຳໃຊ້ຢ່າງກວ້າງຂວາງ, ສາມາດຕອບສະໜອງທຸກຄວາມຕ້ອງການ ທັງໂດຍພື້ນຖານ ແລະ ການຖ່າຍທີ່ມີຄວາມຊັບຊ້ອນ, ຊ່ວຍໃຫ້ທ່ານໝໍສາມາດເຫັນໄດ້ຢ່າງຈະແຈ້ງບັນດາພາກສ່ວນຕ່າງໆ ເຊັ່ນ: ກະດູກ, ເສັ້ນເລືອດ, ພາກສ່ວນອ່ອນຂອງຮ່າງກາຍ... ຜ່ານລະບົບດັ່ງກ່າວ, ສາມາດຄົ້ນພົບບັນດາພະຍາດມະເຮັງ, ການຖືກກະທົບ, ການຕິດເຊື້ອ ຂອງອະໄວຍະວະທີ່ກວດກາ.

ດ້ວຍໂຄງສ້າງທີ່ທັນສະໄໝ, ເຄື່ອງ CT Scanner ສາມາດຖ່າຍໄດ້ເປັນຮູບພາບທີ່ຈະແຈ້ງ ແລະ ດ້ວຍຊັ້ນທີ່ບາງ, ສາມາດບັນລຸເຖິງ 0,6ມມ, ຊ່ວຍໃນການຄົ້ນຫາຈຸດບາດເຈັບທີ່ນ້ອຍເປັນຫົວໜ່ວຍ ມິນລີແມັດ ໃນຮ່າງກາຍ, ຊ່ວຍໃຫ້ການບົ່ງມະຕິພະຍາດຖືກຕ້ອງ, ມີປະສິດທິພາບ, ບໍ່ຫຼົງຂ້າມແມ່ນແຕ່ຈຸດບາດເຈັບທີ່ນ້ອຍທີ່ສຸດ.
ດ້ວຍຄວາມໄວໃນການສະແກນສູງ, ສະແກນດ້ວຍຊັ້ນທີ່ບາງ ຊ່ວຍໃຫ້ປະຫຍັດເວລາໄດ້ດີ, ຄົນເຈັບບໍ່ຈຳເປັນຕ້ອງກັ້ນຫາຍໃຈດົນ ຫຼື ກັ້ນຫຼາຍເທື່ອ ໃນເວລາຍຖ່າຍ. ໃນການຖ່າຍກະດູກກະໂຫຼກຫົວຄັ້ງ 1 ໃຊ້ເວລາພຽງປະມານ 8 ວິນາທີ, ຖ່າຍສ່ວນເອິກປະມານ 12 ວິນາທີ, ຖ່າຍແຕ່ຄໍຈົນຮອດໂຄງກະດູກສຸດປະມານ 18 ວິນາທີ, ສະແກນຫົວໃຈ ແລະ ເສັ້ນເລືອດຫຼໍ່ລ້ຽງຫົວໃຈ ໃຊ້ເວລາພຽງແຕ່ຈັງຫວະເຕັ້ນດຽວຂອງຫົວໃຈເທົ່ານັ້ນ.

ດ້ວຍນະວັດຕະກຳແຖວໜ້າຂອງເຄື່ອງ ອາເມຣິກາ, ຊ່ວຍຫຼຸດການສາຍລັງສີ X ໃສ່ຄົນເຈັບໄດ້ເຖິງ 50% ທຽບກັບເຄື່ອງຊະນິດອື່ນ, ຫຼຸດຜົນປັດໄຈສົ່ງຜົນສະທ້ອນເຖິງສຸຂະພາບ, ສ້າງຄວາມອຸ່ນອຽນໃຈໃນການບົ່ງມະຕິພະຍາດດ້່ວຍວິທີຖ່າຍສັດສ່ວນ.
ເຄື່ອງ CT Scanner ທີ່ໂຮງໝໍ ຮ່າໂນ້ຍ - ວຽງຈັນ ຫາກໍ່ໄດ້ຮັບການຕິດຕັ້ງ ມັນຍັງມີຜົນປະໂຫຍດຫຼາຍ ຕໍ່ການກວດຫາພະຍາດຂັ້ນເລີ່ມຕົ້ນ ເຊັ່ນ: ບັນດາພະຍາດກ່ຽວກັບຫຼອດເລືອດລ້່ຽງຫົວໃຈ, ການຂາດເລືອດຂອງສະໝອງ, ບົ່ງມະຕິຂັ້ນຕົ້ນຂອງພະຍາດປະດົງຄໍ່ (ເກົ້າ Gout); ບົ່ງມະຕິຄຸນລັກສະນະຂອງໜີ້ວທໍ່ສົ່ງຍ່ຽວ (ລະດັບຄວາມແຂງ, ສ່ວນປະກອບທາງເຄມີຂອງໜີ້ວ...)

ຂໍເຊີນບັນດາທ່ານມາທີ່ໂຮງໝໍ ຮ່າໂນ້ຍ - ວຽງຈັນ, ທ່ານຈະໄດ້ຮັບການຮັບໃຊ້ທາງການແພດທີ່ທັນສະໄໝ ດ້ວຍມາດຕະຖານລະດັບສາກົນ.
ຂໍຂອບໃຈບັນດາທ່ານທີ່ເຊື່ອໝັ້ນໃນການບໍລິການດ້ານການແພດຂອງໂຮງໝໍພວກເຮົາ!